સ્મિત જેતારલાં બે ચાર પાડી મોકલે, ચાંદની એ રાત આખી મોકલે. – અલ્પા વસા

તારલાં બે ચાર પાડી મોકલે,

ચાંદની એ રાત આખી મોકલે.

.

માગું હું તો ના ન પાડે એ કદી,

હોય ના પાસે તો માગી મોકલે.

.

સ્મિત જે આપે છે મને જાહેરમાં,

આંસુની એ ભેટ છાની મોકલે.

.

ખ્યાલ મારી ઊંઘનો છે કેટલો!

સોલણાં એ પોતે જાગી મોકલે.

.

પાથરીને સેજ ફૂલોની પછી,

ઓસબિંદુની સવારી મોકલે.

.

હાથને રંગીન મારા રાખવા,

પાન મહેંદીનાં એ વાટી મોકલે.

.

કૈં યુગોથી એમ ઈચ્છુ છું હું તો,

એ ગઝલ મારી મઠારી મોકલે.

– અલ્પા વસા